Dekanatskierch
D'Dekanatskierch, déi als national Monument registréiert ass, stécht virun allem duerch hiren Tuerm eraus. Dësen Tuerm aus dem 12. Jorhonnert, deen ursprénglech als Waachtuerm op Fundamenter aus der Réimerzäit gebaut gouf erënnert un d'Iwwerreschter vun der Festung vun der Stad Réimech.
D'Kierchepatréin sinn den hellege Stephanus an den hellege Laurentius. Um Grondstéck nieft der Kierch, dat wéi d'Kierch ënner Denkmalschutz steet, gesäit een nach e puer Griewer vun dem ale Kierfecht, wéi zum Beispill d'Graf vun der Famill Lamort-Velter, déi déi Aarm mat Spenden ënnerstëtzt hunn.