Synthetesch Äispist

Opgrond vun der aktueller Energiekris huet de Schäfferot vun der Stad Réimech decidéiert eng Alternativ zur traditioneller Äispist unzebidden. Well zu Réimech gehéiert d’Äispist genau sou wéi de gudde Patt niewendrun!
Vum 25. November 2022 bis den 08. Januar 2023 kënnt Dir zu Réimech op enger synthetescher Äispist Schlittschong fueren. Dëst ganz ouni Waasser- an Energieverbrauch, an doduerch och ouni den Ausstouss vun CO2-Emissiounen.
Schlittschongfueren op enger synthetescher Äispist fonctionéiert selwecht wéi op Äis mat normale Schlittschong ouni Picken, déi virdru just musse geschlaff ginn. D'Schlittschong kënnen entweder sur Place ausgeléint ginn oder Dir kënnt Är vun doheem matbréngen.