Cornhole

Um Site vum MiniGolf a MiniCars fannt Dir elo och e Cornhole Terrain.

Cornhole ass e beléift Geschécklechkeetsspill, bei deem Spiller kleng Säckelcher, gefëllt mat Mais oder Granulat, op e schréi geluechte Board mat engem Lach geheien. Zil ass et, d’Säckelcher entweder op dem Board ze placéieren oder direkt duerch d’Lach ze treffen, fir Punkten ze sammelen. Gespillt gëtt meeschtens zu zwee oder an der Equipe, wat et ideal mécht fir Frënn, Familljen a Gruppen.

Mat Cornhole gëtt de MiniGolf a MiniCars Site zu Réimech nach méi ofwiesslungsräich a suergt fir Spaass a Beweegung fir Grouss a Kleng. Kommt laanscht a probéiert et aus!