Sport a Fräizäit

• Tour mam Schëff

  Während der Summerzäit bidden d'Schëffer vun Navitours an der Entente Iech kulinarsch an thematesch Soiréeën un. Ausserdeem kënnt Dir bei engem Tiirchen um Schëff am Dag dee wonnerschéine Muselpanorama genéissen. Loosst Iech dës Geleeënheet net entgoen!

  Ëffnungsperiod

  Abrëll - September
• Schwämm

  Sech bei guddem Wierder ofkillen oder sech mat e puer Längte fit halen, heifir eegent sech perfekt déi oppe Schwämm zu Réimech.

  Ëffnungsperiod

  15.05 – 15.09.2024 | D'Keess mëscht um 18h15 zou an d'Leit si gebiede fir 18h30 aus dem Waasser ze goen.
• Spazéier- a Wanderweeër

  Et gëtt näischt méi Scheines wéi Réimech ze Fouss ze entdecken. Ob duerch de Bësch, d'Wéngerten oder laanscht d'Musel iwwert d'Esplanade; all eis Spazéier- a Wanderweeër bidden Iech nierft schéinen Aussichten och vill Plaz fir ze entspanen an ze relaxéieren un. All d'Spazéier- an d'Wanderweeër starten all um Parking ënnert der Bréck virun der Tourist Info.

  Ëffnungsperiod

  D'ganz Joer iwwer
• Mini-Golf & Mini-Cars

  Eng modern, 18-Lach Minigolf-Anlag, esou wéi eng 250-Meter laang Rennstreck mat klenge Scooteren, ënnerhalen d'ganz Famill.

  Ëffnungsperiod

  Weider Informatiounen an Ëffnungszäiten op siremich.lu.
• Vëlo fueren

  A kierzter Zäit sou vill wéi méiglech vu Réimech erliewen, geet am beschte mam Vëlo. Ob laanscht d'Musel, duerch déi charmant Gaassen, duerch de Bësch oder duerch d'Wéngerten, erlieft d'Villsäitegkeet vu Réimech op 2 Rieder!

  Ëffnungsperiod

  D'ganz Joer iwwer
• Spillplazen

  Och fir d'Kanner gëtt et vill zu Réimech ze entdecken, zum Beispill d'Spillplazen am Parc Jeannot Belling an op der Esplanade.
• Syntheetesch Äispist

  Den Highlight zu Réimech ass eng iwwerdeckten syntheetesch Äispist fir Kleng a Grouss um Parking virun der Piscine.

  Ëffnungsperiod

  29.11.2024 - 05.01.2025
• Petanque

  Réimech huet 3 Petanque Terrainen – ee bei der Schwämm, een um Minigolf an een am Park "Jeannot Belling" (anc. Park Brill)

  Ëffnungsperiod

  D'ganz Joer iwwer
• Skate & Parkour

  Skate a Parkour Park Réimech

  Ëffnungsperiod

  D'ganz Joer iwwer