R\u00e9imech, oder an der Antik “Remacum” genannt, woar fr\u00e9ier een Dr\u00e9i- an Aangelpunkt fir F\u00ebscher a Bootsm\u00e4nner. W\u00e4hrend de leschte Joerhonnerten gouf d’Stad \u00ebmmer r\u00ebm vu sengen Eruewerer zerst\u00e9iert, sou dass eng Festung ronder\u00ebm opgebaut gouf, vun d\u00e4r een haut nach d’Iwwerreschter ka gesinn.<\/p>\n
Haut ass R\u00e9imech eng kleng Touristestad op der Europastreck Saarbr\u00e9cken-L\u00ebtzebuerg. Hei bef\u00ebnnt ee sech an engem romantesche Panorama vu W\u00e9ngerten an dichte B\u00ebscher, d\u00e9i R\u00e9imech w\u00e9i en Amphitheater \u00ebmginn. An d’B\u00fchn ass d’Musel. Um Bord vum Floss kann een iwwert d\u00e9i 3 Kilometer laang Promenad tr\u00ebppelen, \u00ebnnert de Kiichten- a Lannebeem erduerch, a sech d’Booter, d’Sch\u00ebffer oder eng Hellewull u Waassersportaktivit\u00e9iten ukucken.<\/p>\n
Dee ber\u00fchmte Bacchus-Bur vum l\u00ebtzebuerger Artist Will Lofy, bitt op de m\u00e9i waarmen Deeg eng kill Erfr\u00ebschung, a g\u00ebtt souguer Grond fir all Joer e Summerfest do ronder\u00ebm ze feieren.<\/p>\n
M\u00e4 kuckt Iech R\u00e9imech och g\u00e4re vu m\u00e9i no un, an entdeckt d\u00e9i kleng charmant G\u00e4sselcher, mat de verw\u00e9nkelten Ecken an Z\u00e4itzeien aus historesch wichtegen Z\u00e4iten. Duerch d’Porte St Nicolas, d\u00e9i zu Eiere vum Schutzpatroun vun de F\u00ebscher a Bootsm\u00e4nner opgebaut gouf, k\u00ebnnt een an d’Rue St. Cunibert, wou d’Gebuertshaus vun d\u00ebsem Gottesmann steet, deen am 7. Joerhonnert Erzb\u00ebschof vu K\u00f6ln woar. D\u00e9i n\u00e4chst Statioun op \u00c4rer Entdeckungsrees ass dann d’H\u00e4erz vu R\u00e9imech mat enger Fousg\u00e4ngerzon, klenge Plazen, Font\u00e4nen, a G\u00e4sselcher d\u00e9i heiansdo sou enk sinn dass ee knapps laanschtenee k\u00ebnnt. Den Tuerm vun der Dekanatskierch zu R\u00e9imech, iwwregens nationalt Kulturierwen, huet de Bl\u00e9ck iwwert d\u00e9i ganz Stad an de Park Brill mat sengem Weier, enger Spillplaz, enger Kulturb\u00fchn an den Tennisterrainen.<\/p>\n
Um Waasser ginn et eng s\u00ebllegen Touristesch\u00ebffer, wou ee kann un Touren deelhuelen a vu wou et m\u00e9iglech ass den Dr\u00e4il\u00e4nnereck mam Sch\u00ebff ze entdecken. E puer Meter weider bef\u00ebnnt sech den Touristebureau mam Rentabike, enger Spillplaz an engem vun de gr\u00e9isste Mini-Golf-Terrainen aus der Groussregioun. Sitt Dir\u00a0schonn an d\u00e4r Richtung \u00ebnnerwee, k\u00ebnnt Dir\u00a0och direkt e puer Meter weider goe bis bei d’oppe Schw\u00e4mm, wou Dir k\u00ebnnt vun engem virgeheizte Bas\u00e9ng mat olympesche\u00a0Moossen profit\u00e9ieren.\u00a0Weiderhi fannen d’Sportler laanscht d’Musel eng amenag\u00e9iert V\u00eblospist, oder duerch de B\u00ebsch\u00a0een exigente\u00a0Fitnessparcours.<\/p>\n
W\u00e4hrend de Summerm\u00e9int fanne regelm\u00e9isseg Voll\u00e9ks- a Grillfester zu R\u00e9imech statt.\u00a0R\u00e9imech huet eng ofwiesslungsr\u00e4ich Hotels- a Restaurantkultur mat sch\u00e9inen Terrassen an internationalen Highlights.\u00a0W\u00e9inst der perfekter Lag am Dr\u00e4il\u00e4nnereck ass een an n\u00ebmme 40\u00a0km an der Stad L\u00ebtzebuerg\u00a0oder zu Tr\u00e9ier, Saarburg, Sierck\u00a0an anere kulturell Stied, wou sech eng Rees hi s\u00e9cher lount.<\/p>\n
Also k\u00ebnnt Dir vu R\u00e9imech profit\u00e9ieren als perfekten Ausgangspunkt vun \u00c4ren \u00c4usflich awer virun allem als M\u00ebttelpunkt vun der W\u00e4ikultur zu L\u00ebtzebuerg. Nieft dem Institut Viti-Vinicole, fannt Dir\u00a0eng s\u00ebllege Kellereien (souguer eng \u00ebnnerierdesch) wou\u00a0Dir och vun Degustatioune vun de beschte l\u00ebtzebuerger Cruen profit\u00e9ieren k\u00ebnnt, d\u00e9i iwwregens Joer fir Joer mat internationale \u00c4uszeeschnunge ge\u00e9iert ginn.<\/p>\n
Net zulescht w\u00e9inst all d\u00ebsen Highlights dr\u00e9it R\u00e9imech de passenden Titel: P\u00e4rel vun der Musel.<\/p>\n","protected":false},"excerpt":{"rendered":"